Dividends mill-banek
Membru tal-MASS kitbilna hekk:
“Nixtieq niġbed l attenzjoni li għalkemm veru li l-MFSA hemm il-ħtiega tagħha, jien ma naqbilx li tgħaddi instruzzjonijiet biex il kumpaniji inaqqsu d-dividend lill-azzjonisti. Din issemmiet fl-aħħar Laqgħa Ġenerali Annwali tal-HSBC, u bil-ħsieb li dan it tnaqqis sa jdum erba’ snin. Dan mhux sew għaliex aħna l-azzjonisti li l-maġġoranza huma anzjani, u li l-ftit li fadlilna ħajjin mhux se ngawdu dak li ħdimna għalih. Dan minbarra l-fatt li din hi waħda mir-raġunijiet li l-ishma qegħdin jitbaxxew fil-valur. Smsajt ħafna lmenti minn azzjonisti li fi ħsiebom jippruvaw ibiegħu l-ishma tagħhom: u jekk isir hekk il prezz bilfors jinżel aktar.
Din hija opinjoni tiegħi. Jiena ċert li hawn kumpaniji li jaħtfu l okkazjoni, li jivvintaw biex ma jħallsux dividend, jew iħallsu prezz baxx. Naħseb li l-MFSA qabel titkellem mal kumpaniji tikkonsidra kollox’’.
Din tidher li hi l-opinjoni ta’ bosta azzjonisti u għalhekk Il-MASS għaddiet din l-ittra lill-MFSA. Din hi t-tweġiba tas-Sur Goeffry Bezzina, Consumer Complaints Manager, MFSA….
Waqt il-laqgħa fil-Lukanda Radisson Blu Resort & Spa, San Ġiljan, li saret fl-24 ta’ April 2014, li għaliha kont mistieden jien, iddedikajt ħafna ħin biex nispjega dwar ir-regoli li l-MFSA daħħlet fis-seħħ, u li l-banek jinħtieġu li jaddottataw qabel ma jiġu biex iqassmu d-dividends lill-azzjonisti.
Ir-regoli japplikaw għall-banek biss u mhux għal impriżi oħra li għandhom ukoll ishma ikkwotati fuq il-Borża. Id-dividends mhux dritt għall-azzjonist, u għalhekk ma jistax azzjonist jitlob li jitħallas dividend għax fil-verità dan id-dritt ma jeżistix. Id-dividends mhumiex imgħax. Għalhekk l-ishma (shares) mhux tajba għal kulħadd: specjalment għal dawk li jiddependu mid-dħul tagħhom biex isostu l-pensjoni tagħhom.
Kif ġie spjegat fil-konferenza, l-MFSA qed tħares ‘il quddiem u trid li l-banek li tirregola jkunu mibnija fuq sisien aktar sodi milli huma illum (li huma sisien diġa sodi). L-MFSA tħoss li, għalkemm xi azzjonisti jistgħu jintlaqtu b’livell ta’ dividends aktar baxxi, wara kollox għada pitgħada l-istituzzjonijiet finanzjarji ta’ pajjiżna se jkunu bil-wisq aktar b’saħħithom; b’kapital aktar milli għandhom illum. Dan se jgawdi minnu mhux biss l-azzjonist imma wkoll kull min għandu xi tip ta’ relazzjoni kummerċjali mal-bank (inkluż id-depożitant) kif ukoll il-pajjiż kollu.
Ta’ min wieħed isemmi li, fuq livell Ewropew, qed jidħlu fis-seħħ diversi inizjattivi li għandhom l-għan li mhux biss isaħħu l-kapital tal-banek imma wkoll anke l-istrutturi operattivi bankarji u saħansitra anke jsaħħu l-għodda regolatorja lill-awtoritajiet li huma responsabbli mill-banek. Ta’ min isemmi, per eżempju, id-Direttiva Ewropeja CRD IV li permezz tagħha ir-regolaturi Ewropej ingħataw għodod regolatorji biex jiżguraw li r-riskji li jieħdu l-banek ma jkunux ta’ detriment għad-depositanti u għall-azzjonisti.
Min irid jara fid-dettall ir-Regoli dwar dan kollu jista’ juża l-links t’hawn isfel.
Explanatory Note to BR/09
Banking Rule BR/09
http://www.mfsa.com.mt/pages/readfile.aspx?
<a “>f=/files/LegislationRegulation/regulation/banking/Measures%20Addressing%20Credit%20Risks%20Arising%20from%20the%20Assessment%20of%20the%20Quality%20of%20Asset%20Portfolios%20of%20Credit%20Institutions%20Authorised%20under%20the%20Banking%20Act%201994.pdf
Il-MASS tirrakkomanda lil kull min irid ikun jaf dwar dak kollu li għandu x’jaqsam mas-Suq Finanzjarju, biex jidħol fil-website tal-MFSA, jagħfas it-tab ‘consumer complaints’ u jirreġistra fil-paġna mymoneybox.
