Laqgħa Ġenerali Annwali (LĠA) tal-MASS – 16 MARZU 2022

Għażiż/a Membru,

Wasalna fi tmiem ta’ Kumitat ieħor. Dan jinbidel jew jiġi kkonfermat kull sena. Din il-laqgħa tkun ta’ importanza kbira għax fiha jingħata rendikont ta’ dak li sar f’din l-aħħar sena. Jingħata wkoll rapport finanzjarju. Fl-aħħar issir il-ħatra tal-Kumitat il-ġdid tal-MASS. Qabel tibda l-laqgħa, sakemm ikollna l-kworum, ikollna ħin biex intom il-membri tkunu tistgħu titkellmu fuq xi esperjenzi li kellkom f’dawn l-aħħar xhur. Wara l-laqgħa se jsir riċeviment fl-istess post u kulħadd jibqa’ bilqegħda u se niġu servuti ikel u xorb.  Il-laqgħa se tkun għall-100 persuna biss jekk intom se ġġibu s-sieħeb/sieħba. Għaldaqstant dawk li se
jattendu jridu jibgħatulna li se jattendu jew b’imejl jew bil-mobajl. Minħabba s-sitwazzjoni preżenti tal-pandemija, rridu nkunu konformi mar-regoli tas-saħħa. Min se jattendi irid juri ċ-ċertifikat li vaċċinat u jrid ikun liebes il-maskra u qabel tidħlu tiġu ċċekkjati għat-temperatura u tridu tagħmlu s-sanitizer. Inħeġġiġkom tagħmlu s-suġġerimenti u l-kritika tagħkom u min jixtieq, sa jumejn qabel illaqgħa, jista’ jressaq xi emendi jew mozzjonijiet għall-Istatut.
Il-laqgħa se ssir: L-Erbgħa 16 ta’ Marzu 2022, fil-Danish Village, l-Għadira, il-Mellieħa fis-6.00 pm.

Inħeġġeġ lil dawk li jħossu li jistgħu jagħtu sehemhom fil-Kumitat il-ġdid, biex jersqu sabiex jiġu nnominati. Għal dan il-għan, hawn taħt tistgħu tinnominaw u tissekondaw membri għall-Kumitat il-ġdid biex imexxi fis-sena li ġejja.

Dejjem Tiegħek

Tarcisio Barbara
PRO