X’inhuma l-benefiċċji li ssir Membru tal-MASS (Malta Association of Minority Shareholders & Retail Investors)?
Hemm bżonn kbir li kull investitur ikollu tagħrif sew minn qabel ma jinvesti u, kif maż-żmien, jirranġa l-‘portafoll tal-investimenti’ li diġà għandu. Il-Liġijiet u l-Awtoritajiet m’humiex biżżejjed biex jipproteġu l-investimenti li jkunu saru b’nuqqas ta’ ħsieb u/jew t’informazzjoni mill-investitur.
Meta tappoġġja l-MASS ikollok dawn il-vantaġġi kif ġej:
- Li tikseb kuntatt personali ma’ investituri ħerqana li jiddiskutu l-esperjenzi u l-ideat tagħhom; għal ħafna din hija waħda mill-iżjed aspetti importanti. Li titgħallem mill-esperjenza ta’ l-oħrajn huwa wieħed mill-vantaġġi ewlenin tas-sħubija.
- Li kull xahar, tattendi għal sezzjoni ta’ tagħrif u tagħlim dwar is-Suq tal-Investimenti minn esperti f’xi qasam partikolari fl-investimenti u tistaqsi dak li forsi qatt ma sibt okkażjoni li tagħmel.
- Li tirċievi kopja tax-Sharholders’ News, fuljett b’informazzjoni u tagħlim dwar is-Suq tal-Investiment
- MASS torganizza laqgħat stil analista mad-diretturi u maniġers ta’ kumpaniji PLCs il-kbar f’Malta. Din tpoġġi lilek fuq bażi livell mal-professjonisti u mill-mistoqsijiet li tagħmel nistgħu nitgħallmu ħafna aktar minn dak li jkun jinsab fir-Rapport Annwali tagħhom.
- MASS tippreżenta l-opinjonijiet tiegħek lill-Gvern, lil kumpaniji u korpi oħra permezz ta’ laqgħat magħhom u attendenza f’Laqghat Ġenerali Annwali.
Il-ħlas tiegħek ta’ €10 fis-sentejn ta’ sħubija ukoll jgħin biex tappoġġa is-sit web li huwa sors ta’ ħafna informazzjoni utli għall-investituri finanzjarji. Issib ukoll ‘links’ għal aħbarijiet finanzjarji t’interess għall-investitur lokali mingħajr ma taħli ħin tfittex f’mijiet ta’ siti.
Aktar ma jkollna membri, aktar inkunu b’saħħitna bil-vuċi tagħna. M’hemmx żmien għal dewmien – agħmel hekk illum!
Min jixtieq li jissieħeb mal-MASS jista’ jagħmel dan billi jħallas €10 jekk jissieħeb għal sentejn, €20 jekk għal ħames snin.
e-Banking details for Membership payments:
Beneficiary: Malta Association of Minority Shareholders and Retail Investors
Account number: 40022259022
Bank’s BIC: VALLMTMT
BOV IBAN: MT79VALL22013000000040022259022
Dan il-ħlas għandu jsir billi jintbagħat ċekk f’isem il-‘Malta Association of Small Shareholders’ f’dan l-indirizz:
Malta Association of Minority Shareholders & Retail Investors (MASS)
c/o Malta Stock Exchange (MSE)
Garrison Chapel, Castille Place,
Valletta VLT 1063
Ibgħat id-dettalji tiegħek b’imejl jew bil-posta. (indirizz, numru ID, numru tat-telefon u mobile).